Home
Magandang Araw po! Nais ko po sanang idulog sanyo ang kasalukuyang kaso ko po sa NLRC ngayon. Nagfile po ako ng Constructive Dismissal sa dating kompanyang pinapasukan ko po sa EPZA. Halos magdadalawang taon po ako sa dati kong kompanya subalit matapos po akong maregular inilipat po ako sa ibang department at dun na po nagumpisa ang mga hindi magagandang pangyayari po sakin. Hindi po naging maganda ang pakikitungo sakin ng immediate Supervisor ko po. Madalas po akong may hearing sa HR dahil po mga ibat-ibang allegations/kaso nya po sakin at pinagbawalan din po nya ako na sumali at magparticipate sa kahit anong activities sa kompanya. Gayundin, pinatanggal po nya ako sa kinabibilangan kong Employee Organization sa kompanya sa kadahilan daw na magfocus na lamang daw po ako sa trabaho dahil poor performance daw po ako. Pero taliwas sa ipinupukol nya sakin na poor performance matataas po ang score cards ko na ipinapasa po nya sa upper management ng kompanya. Nagkaroon na din ng verbal abuse sakin at pamamahiya na lubos pong nagbigay ng sobrang stress sakin at nagresulta sa psychological, emotional at pangkalusugang hindi magandang epekto. Inireport ko po itong pangyayari na ito sa Operations Manager ng kompanya at HR pero wala pong nangyari at nagpatuloy parin sa pangaabuso sakin ang immediate supervisor ko. Makailang beses na din po akong nasuspend sa trabaho dahil narin po sa mga kaso po na inihabla po sakin ng supervisor ko sa HR ng kompanya ng walang maayos na due process at pangaabuso lang sa posisyon. Marami na po akong kasamahan ang ginawan din ng pangaabuso ng supervisor ko po pero ako lang ang naglakas ng loob na dalhin ito sa korte dahil gusto ko pong mabigyan hindi lang ako ng karampatang hustisya kundi yung mga taong inabuso din po ng supervisor na ito. Napilitan na po akong magresign dahil sa mga pangyayaring ito at nagfile po ako ng kaso sa NLRC. Matapos po ang 1 taon at 3 buwan lumabas po ang desisyon na "Dismissed" daw po ang kaso na inihabla ko na Constructive Dismissal dahil daw po nagresign daw po ako. Ngayon po ako ay umapela at pupunta na po sa Commission ang kaso ko. Gusto ko lang po sana makahinge ng payo sanyo kung may laban pa po ba ang kaso. Sana po ay mabigyan nyo po ako ng linaw. Salamat po!
Free Legal Advice Philippines
