Special power of attorney

Hingi lang po sana ako ng advise regarding sa nangyari sa bahay at lupa na naiwan ng magulang namin.

Yung pang-5 po naming kapatid nagloan sa opisina nila. Para po makapag-loan sya, kailangan nya po ng pang-collateral. So ang ginamit nya pong pang-collateral yung titulo ng bahay at lupa na under sa pangalan ng mga magulang namin. Since that time e patay na yung nanay namin at si tatay nalang ang nabubuhay, pinapirma kaming magkakapatid sa special power of attorney. Nakiusap sya sa amin kasi kailangan nya daw po magloan. Kahit ayaw ng iba sa aking mga kapatid, wala po kaming nagawa kundi pumayag nalang para matulungan din sya.

Ngayon po, makalipas ang ilang taon, wala na yung tatay namin. At yung kapatid namin na nag-loan e pinapalayas na kami sa bahay dahil sa kanya na daw po itong bahay at lupa dahil sa spa na pinirmahan namin dati. Hindi narin namin matandaan nakalagay dun sa spa na yun dahil sa tagal na ng panahon at hindi namin naisip na one day e lolokohin kami mismo ng aming kapatid. Humuhingi kami ng kopya ng titulo at ng spa pero wala po syang maibigay. Ngayon po pina-baranggay pa nya kami kasi ayaw namin umalis sa bahay. Bakit kami aalis, e pagmamay-ari din naman namin yung bahay? Wala pong nagawang last will and testament si tatay dahil biglaan din po pagkamatay nya. Sinisiraan nya rin po kami sa mga kamag-anak namin kesyo kami daw po yung umaasa at sya daw po nagpapakain sa amin, which is not true kasi may trabaho naman po kaming mag-asawa. Sya nga po yung hindi nagbabayad ng bills sa bahay kesyo wala daw syang pera at marami syang gastusin.

Sana po matulungan nyo kami ano pong mga legal na hakbang ang pwede naming gawin at kung may laban pa po ba talaga ako sa paghahabol sa karapatan ko dito sa bahay. Ano din po yung pwede kong maikaso sa kanya sa pagkakalat nya ng mga maling balita sa iba naming kamag-anam. Salamat po sa inyo.

To add po, yung pang-5 naming kapatid at yung kuya ko po dati ini-insist na ibenta nalang yung bahay. Kaso kami pong 4 na magkakapatid e ayaw po namin ibenta dahil ancestral house po ito. At ayaw na ayaq din po ng mga magulang namin na ibenta ito .

Ang SPA hindi naman yan nagbibigay ng karapatan as may-ari. Usually, ang nakalagay dyan ay pagbibibigay ng karapatan na gawin ang isang bagay tulad ng pagbenta ng lupa. With that SPA, pwedeng maibenta nung binigyan ng karapatan (Atty-in-fact) na magbenta kahit di na pumirma ang totoong may-ari. Baka naman deed of sale ang pinapirmahan sa inyo. Ganito na lang, magpetition na lang kayo sa korte for judicial settlement of the estate para maibigay ang parteng minana niyo sa mga magulang niyo. Try niyo ding pumunta sa Register of Deeds. I-check niyo kung cancelled na ang titulo ng lupa na nakapangalan sa mga magulang niyo.

May maikakaso ka dyan sa kapatid mo pero mas maigi ng wag na kasi mas gugulo ang sitwasyon. Magkakapatid pa naman kayo.

Salamat po sa reply. Ang pinapirmahan nya lang po talaga sa amin is spa lang po. Sigurado po ako na hindi deed of sale yun. Pinaliwanag pa nya po sa amin dati na gagamitin nya lang po kasi na pang-collateral yung bahay at lupa, kaya kailangan namin pumirma.

Sa totoo lang po ayaw na namin paabutin sa korte, kaya po makailang beses na namin sya triny kausapin. Kaso lagi po syang nagwawala kapag triny namin syang kausapin. Andun yung mageskandalo sya, magsisigaw. Sobrang kahihiyan na po inabot namin sa kanya. Kung ano ano pa pong mga kasinungalingan ang pinagkakalat nya about sa aming 4 na magkakapatid. Tapos ngayon po may hearing kami sa brgy, pina-brgy nya kami for ejection. Wala naman po syang maipakitang kopya ng titulo na nakalipat na sa pangalan nya pati yung kopya ng spa.

Kaya po gusto na namin iakyat sa korte pinaggagawa nya. Dati ayaw po namin syang patulan, kasi nga po para nalang sa yumao naming mga magulang. Kaso sobra na po kasi. Kaya po hihingi po ako ng advise ano pwede namin maikaso sa kanya sa lahat ng ginagawa nya.

Tska po, maidagdag ko na din po. Yung spa po na pinirmahan namin dati, sapat na basehan na po ba yun para paalisin kami sa bahay na magulang naman namin ang nagpundar?