kapatid na sakim sa lupa

Good day po Atty.
Gusto ko pong malaman kung anong karapatan ang sinasabi ng kapatid ko na nilinis ang aking lupa sa probinsiya, wala po kaming pinag-usapan verbal man o kasulatan na linisin at taniman ang 300 square meter agricultural land na nabili ko.  19 years ago po ay nabili ko ang lupa at tinataniman ng isa kong kapatid pero ngayon ay namatay na. Nong di pa namamatay ang kapatid ko ay binibigyan nya kami ng produkto ng lupa ko, katulad ng prutas at gulay. pero nong namatay siya ay wala nang ibang naglinis nito. napansin ko na lamang pag umuuwi kami sa probinsiya na ito ay may mga tanim na gulay, papaya at saging, may mga kambing na din sa ilalim ng mga puno. wala kaming natatanggap kahit isang gulay o prutas na produkto ng lupa galing sa kapatid ko ngayon na nag asikaso sa lupa. sabi ng inang ko ay pabayaan ko na lang dahil nakatiwangwang lang naman, pero nong huling uwi ko ay hindi kami pinansin samantalang halos magkalapit lang kami ng pinaglalakadan. kaya nainsulto ako sa ginawa nila, pinapakinabangan nila ang lupa ko samantalang hindi kami kinakausap na may ari ng lupa. nong kinompronta ko sila bakit sila mga bastos, hindi daw kami nakita, pero napakaimposible namang hindi kami nakita samantalang nakita kami ng anak niya at itinuro pa niya kami. in short po, sinabihan ko sila na huwag nilang pakikialaman ang lupa ko at hindi na baleng magmukha siyang gubat. pumayag naman po sila na hindi na asikasuihin ang lupa, pero lahat ng mga tinanim nila sa isang lupa na pareho ring 300 square meter ay pinutol at yung iba ay inilipat sa kanilang lupain. yung isang lupa naman na pareho ring 300 square meter ay pinataniman ko sa kanila noong maayos pa ang aming pagsasamang magkakapatid, pero ang ginastos sa pinatanim kong mangga ay pera ko at ako din po ang nagbigay ng pamasahe sa kanya. ngayon ay namumunga na at hindi naman kami binibigyan ng kahit isang bunga. sinabihan ko si inang ko na huwag na nilang pakialaman ang lupa dahil inilipat ko na sa iba ang paglilinis doon, pero lahat ng mga pinili naming maglinis ay tinatakot nila kaya hanggang ngayon ay wala pang naglilinis. gusto na pong ibenta ng aking asawa para wala ng away pero ayaw ko po dahil hinihintay ko na rin ang retirement ko para iyon ang aking pagkaabalahan. pero ang sinabi ng kapatid ko daw ay may karapatan na sila sa lupa, idedemanda daw kami sa agrarian dahil wala daw akong naitanim kahit isang puno doon.
ano po ba ang batas sa lupang aking nabili, maliliit na lupa lamang ito, parehong 300 sq meters lang po, wala po kaming usapan verbal o written na asikasuhin nila ang lupa, hindi po ba't tresspassing pa ang ginawa nila? hindi naman ito ekta ektarya para sabihin nilang para masakop ng CARP law.

May titulo ba at kanino nakapangalan. Gaanong katagal bago niya na diskubre na may nakatira sa lupa ninyo?

Atty.Melki wrote:May titulo ba at kanino nakapangalan. Gaanong katagal bago niya na diskubre na may nakatira sa lupa ninyo?

Atty. Melki, thanks for the reply, ang titulo po ay nakapangalan sa akin. wala pong nakatira sa dalawang lupang nabili ko (385 sq meters at 357 square meters). Yung isang lupa ay may mga tanim na mangga, pinabili ko po at pinatanim sa kapatid ko, ako ang gumastos lahat, siya po ang nagtanim dahil maganda pa po ang samahan namin noon pero walang usapan na sila na ang mag-aasikaso sa lupa. Yung isa naman po ay marami ng tanim tulad ng mga dalawang puno ng mangga, duhat, bayabas at mga suha na dati ng tanim nong nabili ko. Ang ginawa po nila ay pinutol nila ang lahat ng mga puno maliban sa isang mangga na mataas at namumunga na. AT TINANIMAN NILA NG MGA GULAY at saging. Nagulat ako nong umuwi ako bakit naputol iyong isang mangga, ang sabi ay inuling (ginawang uling) dahil nakatumba naman daw ang puno. (ang puno po ay nakatumba pero buhay na buhay, ang sinabi ko po ay hindi man lang ipinaalam, nakakahiya sa aking asawa. pero dahil ayaw ko ng lumaki pa ang isyu ay pinabayaan ko sila. pero don po nag-umpisa ang sama ng loob ko sa kanila. wala silang respeto sa may-ari ng lupa, okey lang sana kung akin lang, pero may asawa po ako, ano na lang sasabihin ng aking asawa, wala naman kaming usapan ng kapatid ko na siya ang mag-aasikaso sa dalawang kapiranggot na lupang iyon. tama po ba na ireklamo ako sa Agrarian, na sila ang nag-asikaso ng lupa at wala akong itinanim kahit isang puno? Kung hindi ba naman sakim ang kapatid ko ay gagawin niya iyon sa akin? Kaya ba siya nagvolunteer noon na taniman ang lupa ko dahil may interes pala siya dito. una po ay binili ko iyon as investment para may paglalaanan ako ng buhay ko after retirement. ano po ba ang batas tungkol sa agrarian, sakop pa ba niya ang 300+ sqm? Maraming salamat po, sanay mabigyan niyo ako ng liwanag sa aking suliranin, ayaw ko naman pong ibenta para lang matapos na ang di namin pagkakaintindihan ng kapatid ko.