Marami ang naghahangad, nangangarap, nagtatangka, nagbabakasakali o nagdedesisyon (na kalimitan ay mali) para mapawalang bisa ang kanilang kasal. Marami rin ang gumagawa ng dahilan, nag iimbento, nag mamagic o nagtatagpi tagpi ng istorya para lumusot at masabi lamang na panahon na para tapusin ang relasyon bilang mag asawa.
Kalimitan ang hinahangad na kadahilanan ay PSYCHOLOGICAL INCAPACITY ayon sa Article 36 ng Family Code. Ngunit ano ba talaga ang alituntunin ng batas para sa wastong pagamit ng inkapacidad na ito para mapawalang bisa ang isang kasal.
Sinikap ng Korte Supreme na higpitan ang kadahilanan para matapos ang ugnayan bilang mag asawa at ito ay nadesisyonan sa kasong REPUBLIC v. MOLINA 266 SCRA 198 na sa opinyon ng kataastaasang Hukuman ay kinakailangan ay dumaan sa tatlong masusi o maurirat na batayan:
1. Gravity o maselan ng basehan. Sinasabi na ang psychological incapacity ay hindi pisikal incapacity kundi MENTAL. Ibig sabihin dapat ay malubha ang kadahilanan na hindi kayang ipatupad o gampanan ang mga obligasyon ng buhay may asawa.
2. Juridical Antecedence o meron pinag ugatan sa kanyang pagkatao gawa ng pamilya, kumunidad, taong nakakasalimuha na ito ay nahirati na at nabaon sa kanyang pagkatao. Ito ay isang pag uugali na naka apekto sa kanyang pagkatao hanggang sa siya ay pumasok sa buhay may asawa. Kaya ang malubhang kadahilanan na ito ay hindi lamang basta basta ginawa o dahil sa paglulubid ng istorya.
3. Incurability. ang ibig sabihin nito ang mental na disposisyon ng taong kinapitan nito ay hindi na magagamot o mapapagaling sa kadahilanan nga na ito ay malubha na kaya hindi nya kaya gampanan ang mga obligasyones sa buhay mag asawa. Kinakailangan dito ang expertong pag susuri ng psyhologist o psychiatrist na ang ulat nila ay gagamiting batayan ng hukuman kung talagang wala ng kadahilanan pa para ipagpapatuloy ang kasal.
Ganon pa man, marami ang naghihikayat na kaunting deperensya sa pag itan ng mag asawa katulad ng imaturidad o immaturity, sumpungin o mood swings atbp at hindi tanggap na batayan para iisang tabi ang kasal.
So, kung kayo ay nag aambisyon o may intensyon na magpawalang bisa ng kasal malaya kayong magtanong o mag kunsulta sa akin sa adpr24242000@yahoo.com. Ang inyong kwento o suliranin ay mapapangalagaan na confidential.
Salamat.
Atty KR