Help please. Bago po ako dito.

Good morning po.

Bago po ako dito. Nakita ko po itong forum na to sa google. Nais ko po sanang magtanong tungkol sa sitwasyon ng anak ko. Hindi po kami kasal ng tatay nya. Nung 2006 po ako nanganak. That time, wala dito ang tatay nung nanganak ako so walang pumirmang tatay sa birth certificate. Pero nung 2007 po inacknowledge nya yung bata through papers na pinadala ko sa kanya. Tapos may notation na po sa birth certificate ng bata na acknowledged sya at apelyido na po ng tatay ang ginagamit nya. January 2007 po nung magpakasal sya sa isang babaeng inanakan nya rin.

Mula nung nanganak ako hanggang ilang taon, hindi sya nagpapadala ng suporta sa bata. Kahit nung after nya na inacknowledge yung bata eh wala pa rin kahit na may trabaho sya sa Cebu pati asawa nya may trabaho rin naman. Nagsimula lang syang magpadala ng pera nung naka-abroad na sya sa Saudi bilang isang Engineer. That was approximately 4 to 5 years ago nung nagsimula syang magpadala ng 4k per month.

8 years old na po anak ko pero hanggang ngayon ganon pa rin ang amount na pinapadala nya. Tumaas na po nga gastusin. Sinabi ko rin po sa kanya dati na kailangan nang dagdagan ang padala nya lalo na't buwan buwan halos nagkakasakit ang bata. Hindi po kaya ng sweldo ko lang ang gastusin. Ang masaklap pa po doon eh mas malaki ang sweldo nya sa akin pero minsan may ilang buwan syang di nagpapadala. Dati apat na buwan syang di nagpadala so nagkautang ako para mapunan ang kulang kong pangbayad sa pangangailangan ng bata. Matapos yung 4 na buwang di sya nagpadala, pinadalhan nya ako ng 16k. Equivalent ng apat na buwang hindi sya nagpadala ng 4k. Pano naman po yung nagkautang ako nang dahil sa ginawa nya eh saktong 16k lang pinadala nya. Ako na nga naghirap maghanap ng pera tapos ako din magbabayad ng interest? Sinabi ko na sa kanya yan pero wala naman syang pinadalang extra. Nakakainis na para sa kanya, ok lang hindi sya makapadala or magkulang padala nya pero ako na nasa akin yung bata, kapag kulang ang pera, wala akong magagawa kundi maghanap ng mauutangan. May habol po ba ako dun attorney or tama lang ba talaga yung 4k every month?

May right po ba ang ama ng bata na kunin ang custody sa akin? Maari ko po bang tanggihan ang monthly nyang binibigay pero di nya na makikita or makakausap ever ang bata, ganun din ang lahat ng kamag anak nya?

Ang Financial Support na kailangan ng isang anak, legitimate or not legitimate ay dapat na manggaling pareho mula sa ama at ina (hindi mula sa ama lang). Ang halaga ng Financial Support na dapat ibinibigay ng ama ay walang saktong halaga at maaring ito ay sa pamamagitan ng pera o pagbibigay ng mga actual na pangangailangan ng bata.

Nakakalungkot ang nangyayaring dahil sa batang 8 gulang pa lamang ay nalulubog ka na ng utang. Matanong ko lang, ilan na ba ang anak mo? Masakit man sabihin pero sana ay wag mo nang karkulahin ang interest dahil nakapagbigay naman ang ama. Para mas magkaroon ka ng legal na tamang halaga ng financial support ay idulog mo ito sa korte. Titignan din kc ng korte ang pangangailangan hindi lamang ng iyong anak kundi ng kanyang kasalukuyang pamilya.

Kung ang bata ay 7 years old and below, ito ay awtomatikong nasa poder ng ina maliban lamang kung talagang wala ni katiting itong kakayahang buhayin ang bata. Subalit 8 yrs old pataas ay may right na ang ama na ipaglaban sa korte ang custody ng bata depende sa argumento o sitwasyon. Nga lamang at bata ang kawawa dito dahil magkakaroon ito ng mga psychologiacal effects sa kanya.
Kahit tanggihan mo ang suporta ay hindi mo pwedeng itago ang bata dahil ito ang kanyang biological father. Kung sakaling itago mo ang bata ay pwedeng idulog ito sa korte ng ama para korte ang magtatakda ng araw at oras nag kanilang pagkikita. Subalit, kako nga, ang bata pa din ang kawawa dito.

Seguro ay subukan mo munang magpagawa ng "Demand Letter" sa isang abogado (nasa mga P300 to P500 lang seguro) at ipadala mo sa address nya para baka sakali ay "maalerto" sya at dagdagan nya ang suporta. Mainam na rin seguro na kesa dagdagan nya ay magrequest ka nlng sa ama na bigyan ang anak mo ng trust fund para magamit pag nagkolehiyo. Magtanong kung panu ang trust fund sa isang respetado at matatag na banko.

Maige na mapag-usapan nyo nung ama ng maayos hanggat kaya mo para ma-maintain nila ang father-son relationship. Pilitin mo mailapit ang mga kalooban nila dahil isa rin yan sa mga magiging dahilan na hindi matitiis nung ama ang anak mo kahit pa me bago na syang pamilya. Isa pa ring dahilan yan para pagdating ng araw ay hindi alisan/kalimutan ang anak mo pamanahan, kung sakali, ng mga maipupundar nya.

And lastly, mas magandang pumunta at sumangguni ka sa pinakamalapit na PAO sa inyong lugar. Ang pagsangguni dito ay libre, para mas magabayan ka ng mga iyong tamang hakbang.





^_^ ::imnotalawyer::

Thank you po sa response.

Tanong ko po sana.. Paano po kung hindi ko alam ang address nya? Paano naman po kung nasa abroad sya? Pwede po bang magpadala ng demand letter through the agency? Kaya lang di ko rin po alam kung anong agency nya. Hehe

mothernature wrote:Thank you po sa response.

Tanong ko po sana.. Paano po kung hindi ko alam ang address nya? Paano naman po kung nasa abroad sya? Pwede po bang magpadala ng demand letter through the agency? Kaya lang di ko rin po alam kung anong agency nya. Hehe

Maaring mong i-address yung demand letter sa bahay ng magulang nya or kapatid.