fully paid na lupa pero ang titulo ay sinangla ng developer sa bangko

Noong 2010 ko pa po nabayaran ang lote na binili ko pero hanggang ngayon di ko pa makuha ang titulo dahil isinanla pala ito ng developer sa bangko na lingid sa aking kaalaman.Pinasa lang nila ako at pinaghintay ng halos 2 taon. Sabi ng developer ibibigay ito last year pero di pa rin naibigay. Ang option na binigay sa akin ay papalitan ang lote. Noong tiningnan ko ang lokasyon ng loteng kapalit , nasa remote na lugar at malayong -malayo ang kondisyon nito kumpara sa lupang binili ko kaya tinanggihan ko ito. Nais ko pong malaman kung ano ang dapat kong gawin. Isa pa po buwan- buwan nila akong pinadadalhan ng bill para sa grass cutting. Kailangan ko po ba itong bayaran kahit na pinatitigil ko na ito ? Ang katwiran po nila ay nasa kontrata ito. Sinabi ko po na nasa kontrata din na ibibigay nila sa akin ang titulo matapos kong bayaran ang lupa. makatwiran po ba na di ko bayaran ang grass cutting hangga't wala sa akin ang titulo? sana po ay mabigyan nyo ako ng payo hinggil sa suliranin kong ito.