Sana po matulungan niyong maliwanagan ako sa banggaang naganap..

Nabangga po ng tricycle driver ang motor na sinasakyan ng nobyo ko.
Mabagal ang takbo ng aking nobyo nang mula sa likod niya ay sumalpok ang isang tricycle. Sa bilis ng tricycle ay naitulak o nakaladkad sa harap ng tricycle ang motor ng aking nobyo habang nakasakay siya rito.
Ang pasahero ng tricycle ay nasugatan ng bahagya sa ulo at ang nobyo ko naman ay nagtamo ng mga sugat sa paang naipit sa motor.
Pagdating sa traffic sector ay pinagawa kami ng sinumpaang salaysay.
Ang pasahero ay nahihilo daw kaya gusto nyang magpunta ng ospital ngunit gusto niya ay wala siyang gastusin. Sinabi namin na sa tricycle driver siya manghingi dahil siya ay pasahero nito at labas kami doon dahil magpapagamot din kami. Naawa pa rin kami at nag abot ng kaunting halaga dahil ayaw pa nilang pumunta ng ospital. Hindi muna gumawa ng police report ang imbestigador dahil dapat daw hintayin ang resulta ng lagay ng pasahero. Nang makarating na ang pasahero ay kinausap niya ang enforcer na umaasikaso samin at gumawa siya ng kasulatan na impound muna ang mga sasakyan hanggang hindi pa maayos ang lagay niya.ang resulta ng xray ay makukuha sa loob ng 3 araw at gusto niya raw ay maghati ang nobyo ko at driver sa gastusin. Pinapirma ang nobyo ko at driver sa kasulatang ito.
Nang mapag-isip-isip namin ay hindi pala kami dapat pumirma dahil wala kaming kasalanan at biktima rin kami ngunit kami ang nagbayad sa sarili naming medical expenses.
Ayaw magbayad ng damages sa motor ang tricycle driver.
Ano po ang maipapayo ninyo sa amin?
Maraming salamat po.

Yung motor ba pag-aari at nakarehistro sa nobyo mo? Ang mga registered motorcycles ay may compulsory third party liability (CTPL) insurance, which would indemnify or cover damages, injuries caused to other parties. Sa kaso ng nobyo, na-involve ang motorsiklo nya sa aksidente na kung saan may nasaktan na pasahero ng tricycle. In our jurisdiction, ang pasahero ng tricycle ay puedeng maghabol sa sasakyan na nakaaksidente ng sasakyang sinasakyan nya. Para mabawi ninyo ang binayaran nyo, mag-claim nalang ang nobyo mo sa insurance company na kinuhanan nya ng CTPL.

Pag-aari po ng nobyo ko,binili niya mula sa barkada niya pero kami po ang nagtutuloy ng installment. May tpl po dahil kakaparehistro lang last month..

May tanong pa po ako, may karapatan po bang ipaimpound ng pasahero ang motor ng nobyo ko?
May pinapirmahan po kasi sa kanya.
Ito po yung nilalaman ng kasulatan:

Ako si Nina H. Luce(pasahero ng tricycle) rinerequest na iinbound ang mga sasakyan na nadulot ng aksidente ko sa banggaan habang hindi pa ako magaling o walang clear findings sa doctor na physically fit ako.
Hinihingi ko ang supporta nina Clifford Fresnido (ito po ang nobyo ko) at Reymart Gamut (tricycle driver) sa kaukulang pinansyal support sa gamot at sa mga posibleng medical examination at kaukulang physical damage after three days pagkakuha ng result ng xray


Sa kasulatan po na yan pumirma yung tatlong involved.. Mailalaban po ba yan against samin kung hindi na kami magbigay pa? Nakapagbigay na po kami ng 500 pero gusto pa po ng mas malaking halaga nung pasahero.

legallyspeaking wrote:ang pasahero ng tricycle ay puedeng maghabol sa sasakyan na nakaaksidente ng sasakyang sinasakyan nya.

kahit ang tricycle po ang nakaaksidente sa nobyo ko at nagtamo rin po ang nobyo ko ng mga injury, sane case lang po ba iyon? Counted po ba na ang nobyo ko ang nakaaksidente sa tricycle kahit siya ang binunggo mula sa likod? Salamat po.