Tenants Right?

May question lang po, kse gusto na po sana namin gamitin yung bahay na pinapaupahan namin,nagbigay na po kmi ng verbal notice nung last week ng January 2010 na hanggang Last week nalang sila ng May. Kaya lang nagde demand po yung mga Tenant ng 2 months free of rent. Meron po ba sa batas natin ng ganon? ang reason nila is pinapaalis daw kse namin sila. ano po ba ang legal procedure na dapat gawin..before they moved in nag bigay po sila ng 1 month advance and 1 month deposit..sana matulungan nyo po ako..maraming salamat

Wala namang batas na nagsasabi na kailangang bigyan ng lessor ng 2 buwang libreng upa ang lessee kapag papaalisin na. Kung walang batas na nagsasabi ay hindi ka obligado na pagbigyan ito.

Tutal ay meron naman silang ibinigay na 1 month advance, ito na ang iyong gamitin na pambayad nila para sa huling buwang upa. Kausapin mo na lang sila na ibabalik mo ang 1 month deposit nila kapag sila ay umalis na walang nasira sa bahay at kung wala silang iniwang obligasyon tulad ng bayad sa kuryente, tubig, telepono, etc.

Padalan mo muna sila ng demand letter na nagsasabi na hindi mo na itutuloy ang pagpapaupa dahil gagamitin mo na ang bahay. Ilagay mo din sa demand letter kung hanggang kailan sila puwede manatili sa bahay.

Kapag hindi sila umalis sa takdang araw ay maaari mo ng idulog sa barangay. Kung hindi pa din kayo magkakasundo sa barangay ay bibigyan ka ng Certificate to File Action at maaari ka ng magsampa ng kaso sa korte.