Negligence - Tax

Hello Atty, ninanais ko po sanang kumunsulta sa inyo, ako po ay accounting/finance employee sa isang company, probationary pa lang po ako.

Nakasuhan po ako dahil sa penalties sa aming business tax, late na pagbayad ng building dues, and pagbounce ng cheke. Kumbaga po dahil ako yung responsable sa trabahong iyan (ako lang ang nagiisang tao na humahawak nito) ako po ang napagbabalingan ngayon. Ang isinagot ko po sa explanation ay ako hindi masyadong naorient tungkol sa tax payment schedule ng opisina namin at sa pagbounce ng cheke ay ginawa ko lahat ng makakakaya ko para ito di magbounce.

Nagkonsulta na ho ako sa isang abogado at ang sabi sa akin ay posible ako pa din ang makitang responsable sa ibang isyu dito kahit na sabihin ko na walang proper orientation dahil sa ideya na hindi espesyal na polisiya ng kumpanya ang tax at pagtalbog ng cheke. Kumbaga, bilang graduate ng kurso ng accounting at pagkakaroon ng experience, ako pa rin ay maaaring madiin dito.

Hangat maaari ho sana ayaw ko magresign ngunit mukhang ang direksyon nito ay grave negligence at dahil sa penalties mas mabigat ang naging kaso na posible ho na matanggal po ako. May laban ho ba ako sa ganito atty? Hindi po ba sapat na sabihin na may pagkukulang sa pagturo sa akin ng bagay bagay? Sa hirap makahanap ng trabaho ngayon sana hindi naman ako matanggal sa trabahong ito. Sa ngayon ho, magkakaroon po kami ng hearing tungkol sa kaso ko.

sana po ay matulungan nyo po ako mga atty

magandang araw po, sana po may sumagot.

Pwede kang maki-compromise sa employer mo. Offer to pay the damages that your employer incurred due to your mistake. If they still choose to dismiss you, i think mahirapan kang maghabol dahil may just cause for your termination: gross negligence.

Probationary employee ka pala. Ilang mos ka na ba sa company?

mag3 months pa lang po. so mahirap po pala umasa dito? sa madaling salita mahihirapan ako ipaglaban pa ito.

Bilang isang probationary employee, nasa 'test' stage ka pa lang. Kailangan mong mameet yung qualifications ng employer mo for you to become a regular employee. Kung di mo mameet yun, pwede kang iterminate for failure to qualify. I think yung hearing is formality na lang. Para masabi lang na due process was observed. Pero frankly, baka iterminate ka rin nila. Pakiusapan mo na lang kung pwede magresign ka na lang para di ka mahirapan maghanap ng ibang employer. God bless