nagkautang sa 5-6

Taong 2003 nag Japan po ako. Nagkaroon ng boyfriend na hapon. Taong 2005 nagpagawa po ako ng bahay na wala sa plano ng hapon kaya hindi niya ako nasuportahan ng pagpapadala na bukod para sa pagpapagawa ng bahay. Kaya naisipan ko na mangutang ng 5-6. Dumating pa ang isang problema na ang mommy ko ay nagkasakit ng cervix cancer stage 4. Hindi ko pa tapos ang pagbabayad sa pagpapagawa ng bahay at pagbabayad sa mga trabahador ay kinakailangan ko naman dalhin ng dalhin ang mommy ko sa ospital. Kaya pumasok ako sa pagutang sa 5-6 at sinanla ko ang bahay at lupa ko sa halagang 500,000 at may interest na 5% kada buwan. Para mabayaran ang total na utang sa nagamit na materyales sa bahay at trabahador. Nabaon ako sa utang sa 5-6 na lumobo ang mga interest na halos hindi ko na natupad ang pangako na pagbabayad ng interest. Na hanggang ngayon ay napakalaki na ng total balanced. Nang inamin ko sa boyfriend ko na hapon nuong april 21,2012 nagalit at nakipaghiwalay na sa akin dahil bakit daw ako naglihim at ayaw bayaran ang mga nagawa kong utang. Humingi po ako ng tulong sa tita ko na nagtatrabaho sa japan. At sinabi niya na humingi daw po ako ng advice sa abogado, kung ano po ang dapat kong gawin. Hindi ko na po kayang magbayad, dahil wala naman po akong trabaho at hiniwalayan na ako ng nagsusustento sa akin. Sinabi ng tita ko na tutulungan niya ako na magbayad ngunit sa abot lang ng makakaya niyang itulong dahil may pamilya din po siya sa japan. Pinatatanong niya po, at gusto daw po niya ipakipaliwanag ung sinasabing SHARK LOAN daw po. Yung LENDING without LISCENSE? Gusto po sana mangyari ng tita ko na magsara na lang kami ng pinagkakautangan ko na yung capital na lang daw po sana ang huhulugan hanggang sa matapusang bayaran. Na kahit tumagal na po ang utang ko ng napakahabang taon simula year 2006 hanggang ngaung taon po na hindi ko naman po natupad ang magbayad ng interest man lang. Gusto po kasi ng tita ko na magkaroon na ng involved na abogado sa pagitan ko at pagitan ng pinagkautangan ko po.