bahay at lupa

sa real estate tax declared building owner ang kuya ko at sa land owner ay ako pati na rin sa titulo name ko..pamana yan ng mama namin kso unang nmatay ang kuya ko kesa s mama ko,may iniwan last will testament ang mama ko kaso invalid kasi hindi nkanotaryo..eversince ako ang nakatira sa building at ng namatay ang mama ko ako n rin ang nagbbyad ng amilyar..ngayon ngahhabol ang pamilya ng kuya ko...my laban ho b ako??? sino ho b talaga ang dapat magmay ari ng building????
any suggestion plssssssss...ty

May 2 uri ng last will and testament: (a) notarial will, at; (b) holographic will. Ang notarial will ang kailangan notaryado upang magkaroon ng bisa. Ang holographic will naman ay hindi kailangang notaryado upang magkaroon ng bisa.

Ayon sa batas:

“A holographic will is entirely written, dated and signed by the hand of the testator himself. It is subject to no other form and may be made in or out of the Philippines. It need not be witnessed.”

Sa madaling sabi, upang magkabisa ang last will and testament ng iyong ina ay kailangan lang na: (a) ito ay isinulat-kamay niya; (b) ito ay nilagyan niya ng petsa; at (c) ito ay pinirmahan niya. Kung lahat ng mga rekisitos na nabanggit ay umaayon sa last will and testament ng iyong ina, ito ay maituturing na holographic will at hindi ito kailangang notaryado.

Mapunta tayo sa problema mo. Medyo naguguluhan ako kwento mo. Nasabi mo na ang bahay at building ay pamana ng iyong ina sa iyo at sa iyong kapatid. Pero sinabi mo din na unang namatay ang iyong kapatid sa iyong ina. Kung unang namatay ang iyong kapatid sa iyong ina ay hindi na maituturing na tagapagmana ang kapatid mo dahil nauna siyang namatay. Ganunpaman ay may tinatawag na “right of representation” ang mga anak ng kapatid mo (pamangkin mo) at ito ang magbibigay sa kanila ng karapatan na magmana sa kanilang lola.

Ito ang aking mga tanong: (1) Anong instrumento / kasulatan ang ginamit upang mailipat sa iyo ang titulo ng lupa? (2) Anong instrumento / kasulatan ang ginamit upang maipangalan sa kapatid mo ang tax declaration ng building? (3) Kailan nailipat sa inyo ang titulo at tax dec?

Kung nailipat sa iyo ang titulo ng lupa noong buhay pa ang ina mo ay marahil nagsagawa kayo ng Deed of Sale o di kaya ay Deed of Donation. Kung ito nga ang nangyari ay hindi mo puwedeng sabihin na minana mo lang ang lupa dahil ang mana ay nangyayari kung patay na ang magbibigay ng mana.

Marami pong salamat sa pagpansin ninyo sa post ko..

Ang last will testament po ay notary will pero hindi po napanotaryuhan dahil mahal daw po..buhay pa po ang kuya ko nung nagawa nya ang last will na yan at hindi na po napalitan hanggang sa mamatay ang kuya ko at ang mama ko kaya wala rin po kasulatan ng Right of Representation...

Duda po kami ng isa kong kapatid na pineke ang last will kasi po nung malakas pa ang mama ko may ginawa na syang last will at nabalitaan na lang namin nung Nov.10 ay binago nya at sinunog ang unang ginawa..Nov 30 sya namatay sa colon cancer...

Ang nilalaman po ng last will ay sa akin mapupunta ang 1st at 2nd flr at ang 3rd at 4th ay sa kuya ko...Sinubukan ko po alukin ng bayad ang mga ank ng kuya ko para walang gulo pero ang gusto nila ay bayaran ko na agad sila nung araw na inalok ko sila,nagpaliwanag ako na hindi ko pa kaya sila bayaran at may tamang proseso sa presyo...Sagot nila kung hindi ko sila mababayaran agad ay hahawakan nila ang titulo ko at ookupahin na nila ang 3rd at 4th flr..Hindi rin po ako pumayag dahil ang utos po sa akin ng mama ko na huwag daw po ako magpapasok ng kahit sinong kamag anak sa building na iyon kasi po mahirap na raw po magpababa...

Buhay pa po ang mama ko at kuya ko ako na po ang nakatira duon at ni minsan po hindi nya pinatira duon ang kuya ko at ang pamilya nya dahil may tinitirhan na po sila na pag aari din ng mama ko...Sinabi ko po sa kanila na magdemanda na lang sila para batas na lang magsasabi kung sino at ano dapat gawin...

Ang nakasulat po sa title ay Transfer Certificate of Title at nung 1996 pa po,wala po ako matandaan na nagkapirmahan kami ng mama ko,ang pagkakaalam ko lang po matapos nya mabili ang lupa ay inilipat na nya sa name ko ang titulo mula sa may ari ng lupa at sa Declaration of Real Property Value-Building ay 2004 (Reference and Posting Summary)

Saan ko ho ba pwede malaman ang buong detalye ng titulo at ng tax declaration??

At kung sakali po tama ang detalye ko sa titulo at tax dec. Pwede ko ho ba malaman sa inyo na kung sakali sino po ang mas may karapatan at kung may laban ho ba ako...Ano po ba ang dapat ko gawin???

Pasensya na po kung naabala ko kayo,hindi po ako sakim pero ibinilin po kasi ng mama ko na kung sakali maghabol ang mga ank ng kuya ko ay ilaban ko ito dahil my karapatan daw po ako rito...Hindi nga po inutos ng mama ko na bayaran ko sila pero sinubukan ko gawin iyon dahil ayaw ko rin po ng gulo pero nabigo po ako kaya ang kailangan ko na lang gawin ay sundin ang utos ng mama ko...

Kailangan ko po ng payo ninyo...marami po uli salamat..